Poytaxt ko‘chalarida YPX xodimlari tomonidan tekshiruv davomida:

- 2021-yil 21-noyabr kuni soat 00:30 larda, Bektemir tumanida joylashgan “Bektemir” YPX maskanida xizmat olib borayotgan Toshkent shahar IIBB YHXB YPX xodimlari I.Djumaboyev va B.Rustamovlar tomonidan, Toshkent viloyatidan poytaxtga kirib kelayotgan "Nexia" rusumli avtomobil to‘htatilib, xolis va guvohlar ishtirokida tekshirilganida ushbu avtomobil yo‘lovchisi, 1999-yilda tug‘ilgan I.K.ning cho‘ntagidagidan sigareta qutisiga solingan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro I.K. va aniqlangan modda Bektemir tumani IIO FMBga topshirilgan.

- 2021-yil 21-noyabr kuni soat 15:50 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari A.Pulatov, M.Sharipov va B.Nugmonovlar tomonidan, poytaxtga kirib kelayotgan "Nexia" rusumli avtomobil to‘htatilib tekshirilganida, haydovchi, 1968-yilda tug‘ilgan A.M. o‘zining ko‘rinishi va xatti-harakatlari bilan xodimlarda shubxa uyg‘otgan. Xolis va guvohlar ishtirokidagi tekshiruv davomida fuqaro A.M.ning cho‘ntagidan, selofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.M. va aniqlangan modda Bektemir tumani IIO FMBga topshirilgan.

- 2021-yil 21-noyabr kuni soat 11:00 larda, Shayxontohur tumani, A.Navoiy ko‘chasida xizmat olib borayotgan YPX xodimlari F.Begmatov, A.Erkayev va E.Toipovlar tomonidan, ushbu ko‘chadan harakatlanib kelayotgan "Malibu" rusumli avtomobil to‘xtatilib, haydovchi, 1988-yilda tug‘ilgan F.B.ning ma’lumotlari planshet moslamasi yordamida, maxsus dastur orqali tekshirilganda fuqaro F.B. O‘zbekiston Respublikasi Jinoyat Kodeksining 168-moddasi 2-qismi bilan ayblanib, 2021-yil 3-yanvar kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro F.B. Bektemir tumani IIO FMBga topshirilgan.

- 2021-yil 21-noyabr kuni soat 21:50 larda Yunusobod tumaniga xizmatga jalb etilgan Toshkent shaxar IIBB YHXB YPX xodimlari E.Salomov, X.Komiljonov va M.Ergashevlar tomonidan, A.Temur ko‘chasidan harakatlanib kelayotgan "Laceti" rusumli avtomobil to‘xtatilib, xolis va guvohlar ishtirokida tekshirilganida ushbu avtomobil yo‘lovchisi, 1980-yilda tug‘ilgan U.A.ning yonidan oq qog‘ozga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro U.A. va aniqlangan modda Yunusobod tumani IIO FMBga topshirilgan.

Yo‘llardagi tekshiruvlar davom etmoqda...