Gumon ortidagi tekshiruvlar mobayonida:

- 2021-yil 6-dekabr kuni soat 23:30 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va A.Tojiyevlar tomonidan, Toshkent viloyatidan poytaxtga kirib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganida, ushbu avtomobil yo‘lovchisi, 1989-yilda tug‘ilgan D.Sh.ning yonidan qog‘oz parchasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro D.Sh. va aniqlangan modda Chilonzor tumani IIO FMBga topshirilgan.

- 2021-yil 6-dekabr kuni soat 23:40 larda, Sirg‘ali tumanida xizmat olib borayotgan Toshkent shahar IIBB YHXB YPX xodimlari A.Jurayev va S.Yulchiboyevlar tomonidan, Lutfikor ko‘chasi bo‘ylab harakatlanib kelayotgan "Nexia" rusumli avtomobil to‘xtatilib, yo‘lovchisi, 1995-yilda tug‘ilgan B.M.ning ma’lumotlari planshet moslamasi yordamida maxsus dastur orqali tekshirilganda, fuqaro B.M. O‘zbekiston Respublikasi Jinoyat Kodeksining 169-moddasi 1-qismi bilan ayblanib, 2021-yil 24-oktabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro B.M. Sirg‘ali tumani IIO FMBga topshirilgan.

- 2021-yil 7-dekabr kuni soat 02:15 larda, Yunusobod tumanida xizmat olib borayotgan YPX xodimlari M.Ergashev, D.Safarov va X.Komiljonovlar tomonidan, Bog‘ishamol ko‘chasi bo‘ylab harakatlanib kelayotgan "Hyundai" rusumli avtomobil to‘xtatilib tekshirilganda, haydovchi, 1974-yilda tug‘ilgan E.A. o‘zining ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruvlar davomida, avtomobil saloni va yukxonasidan, qora selofanga solingan, jigar rangli o‘tkir hidli modda, 2 dona 0.20 grammli shprisda jigar rangli suyuqlik modda hamda 5 dona “Karbamazepin” nomli va 1 dona “Lirika” nomli psixotrop dori tabletkalari topilgan.

Mazkur holat yuzasidan tegishli hujjatlar rasmiylashtirilib, fuqaro E.A. va aniqlangan moddalar Yunusobod tumani IIO FMBga topshirilgan.

- 2021-yil 7-dekabr kuni soat 01:50 larda Yunusobod tumanida xizmat olib borayotgan YPX xodimi M.Ergashev tomonidan, Bog‘ishamol ko‘chasi bo‘ylab harakatlanib kelayotgan "Matiz" rusumli avtomobil to‘xtatilib tekshirilganda, ushbu avtomobil yo‘lovchisi, 1996-yilda tug‘ilgan M.A.ning ma’lumotlari planshet moslamasi yordamida, maxsus davtur orqali tekshirilganida, fuqaro M.A. O‘zbekiston Respublikasi Jinoyat Kodeksining 266-moddasi 1-qismi bilan ayblanib, 2021-yil 30-noyabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro M.A. Yunusobod tumani IIO FMBga topshirilgan.

- 2021-yil 6-dekabr kuni soat 11:30 larda, Yashnobod tumani “Cho‘lpon” blok postida xizmat olib borayotgan YPX xodimlari D.Xikmatov va A.Bo‘ronboyevlar tomonidan "VAZ-2106" rusumli avtomobil to‘xtatilib, haydovchisi, 1981-yilda tug‘ilgan Y.K.ning ma’lumotlari planshet moslamasi yordamida, maxsus davtur orqali tekshirilganida, fuqaro Y.K. O‘zbekiston Respublikasi Jinoyat Kodeksining 168-moddasi 1-qismi bilan ayblanib, 2021-yil 14-may kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro Yu.K. Yashnobod tumani IIO FMB JQBga topshirilgan.

- 2021-yil 6-dekabr kuni soat 12:30 larda, Shayxontohur tumanida xizmat olib borayotgan YPX xodimlari U.Abduraimov va B.Sodiqovlar tomonidan, Ko‘kcha darvoza ko‘chasidan piyoda harakatlanib kelayotgan, 1972-yilda tug‘ilgan O.Sh. to‘xtatilib, uning ma’lumotlari planshet moslamasi yordamida, maxsus dastur orqali tekshirilganda, fuqaro O.Sh. O‘zbekiston Respublikasi Jinoyat Kodeksining 169-moddasi 2-qismi bilan ayblanib, 2021-yil 25-fevral kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro O.Sh. Chilonzor tumani IIO FMB JQBga topshirilgan.

Yo‘llardagi tekshiruvlar davom etmoqda...