Yo‘llardagi tekshiruvlar davomida:

- 2021-yil 13-noyabr kuni soat 10:50 larda, Yangihayot tumanida joylashgan “A.Turbanov” YPX maskanida xizmat olib borayotgan Toshkent shahar IIBB YHXB YPX xodimlari X.Toshmatov va S.Begmatovlar tomonidan, Toshkent viloyati hududidan poytaxtga kirib kelayotgan "Matiz" rusumli avtomobil to‘htatilib, xolis va guvohlar ishtirokida tekshirilganda, ushbu avtomobilda bo‘lgan yo‘lovchi, 2002-yilda tug‘ilgan S.S.ning cho‘ntagidan oq qog‘ozga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro S.S. va aniqlangan modda Yangihayot tumani IIO FMBga topshirilgan.

- 2021-yil 13-noyabr kuni soat 13:30 larda, Bektemir tumanida joylashgan “Sharq” YPX maskanida xizmat olib YPX xodimlari M.Shamshiyev va J.Turaboyevlar tomonidan Toshkent viloyatidan poytaxtga kirib kelayotgan "Spark" rusumli avtomobil to‘htatilib tekshirilganda, haydovchi, 1985-yilda tug‘ilgan F.T. o‘zining xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida uning kurtkasining cho‘ntagidan qog‘oz parchasiga o‘ralgan va gugurt qutisiga joylashtirilgan, yashil rangli, o‘tkir hidli, quritilgan o‘simlik moddalari, shuningdek sellofanga o‘ralgan, jigar rangli o‘tkir xidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro F.T. va aniqlangan moddalar Bektemir tumani IIO FMBga topshirilgan.

- 2021-yil 13-noyabr kuni soat 20:00 larda, Bektemir tumanida joylashgan “Bektemir” YPX maskanida xizmat olib YPX xodimlari B.Rustamov va Sh.Xolnazarovlar tomonidan, poytaxtga kirib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganida, yo‘lovchi, 1982-yilda tug‘ilgan A.I. yonidan sigareta qutisiga solingan, qora sellofanga o‘ralgan, jigar rangli o‘tkir xidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.I. va aniqlangan modda Bektemir tumani IIO FMBga topshirilgan.

- 2021-yil 13-noyabr kuni soat 22:00 larda, “Bektemir” YPX maskanidan poytaxtga kirib kelayotgan "Nexia" rusumli avtomobil to‘xtatilib, xolis va guvohlar ishtirokida tekshirilganida, yo‘lovchi, 1987-yilda tug‘ilgan U.R.ning yonidan, 2 dona “Regapen” nomli psixotrop dori tabletkalari xamda 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro U.R. va aniqlangan moddalar Bektemir tumani IIO FMBga topshirilgan.

- 2021-yil 14-noyabr kuni soat 01:30 larda Mirobod tumaniga xizmatga jalb etilgan YPX xodimlari B.Karimov va Sh.Pulatovlar tomonidan, Shaxrisabz ko‘chasidan harakatlanib kelayotgan, haydovchi, 2000-yilda tug‘ilgan A.Z. boshqaruvidagi "Lacetti" rusumli avtomobil to‘htatilib, xolis va guvohlar ishtirokida tekshirilganda, avtomobilning old o‘rindig‘i tagidan, 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.Z. Mirobod tumani IIO FMBga topshirilgan.

- 2021-yil 12-noyabr kuni soat 16.27 larda Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va A.Tadjiyevlar tomonidan, Toshkent viloyatidan poytaxtga kirib kelayotgan "Cobalt" rusumli avtomobil to‘htatilib, haydovchi, 1999 yilda tug‘ilgan U.I.ning ma’lumotlari planshet moslamasi yordamida, maxsus dastur orqali tekshirilganda fuqaro U.I. O‘zbekiston Respublikasi Jinoyat Kodeksining 168-moddasi 1-qismi bilan ayblanib, 2021-yil 27-may kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro U.I. Chilonzor tumani IIO FMBga topshirilgan.

- 2021-yil 12-noyabr kuni soat 21:50 larda, Yashnobod tumanida xizmat olib boryotgan YPX xodimi A.Sayfutdinov tomonidan, Shahrisabz ko‘chasi bo‘ylab harakatlanib kelayotgan, haydovchi, 1995-yilda tug‘ilgan E.A. boshqaruvidagi "Lacetti" rusumli avtomobil to‘xtatilib, xolis va guvohlar ishtirokida tekshirilganda, avtomobilning old o‘rindig‘i tagidan bir dona baklajka qopqog‘i o‘rnida yaltiroq qog‘ozga solingan o‘tkir hidli, jigar rangli o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro E.A. va aniqlangan modda Yashnobod tumani IIO FMBga topshirilgan.

- 2021-yil 12-noyabr kuni soat 22:00 larda Toshkent viloyati, Ohangaron shahri hududida xizmat olib borayotgan YPX xodimlari Q.Yoqubov va X.Qambaraliyevlar tomonidan "Spark" rusumli avtomobil to‘htatilib tekshirilganda, haydovchi 1990-yilda tug‘ilgan S.U. o‘zining ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida haydovchi S.U.ning yonidan gugurt qutisiga solingan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro S.U. va aniqlangan modda Ohangaron shahar IIBga topshirilgan.

Yo‘llardagi tekshiruvlar davom etmoqda...