Poytaxt ko‘chalarida YPX xodimlari tomonidan tekshiruv davomida:

- 2021-yil 22-noyabr kuni soat 12:30 larda, Bektemir tumanida joylashgan “Sharq” YPX maskanida xizmat olib borayotgan, Toshkent shahar IIBB YHXB YPX xodimlari A.Pulatov va M.Toshboyevlar tomonidan, poytaxtga kirib kelayotgan "Lacetti" rusumli avtomobil to‘xtatilib tekshirilganda, yo‘lovchi, 2003-yilda tug‘ilgan I.E. o‘zining ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida fuqaro I.E.ning yonidan zar qog‘ozga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro I.E. va aniqlangan modda Bektemir tumani IIO FMBga topshirilgan.

- 2021-yil 23-noyabr kuni soat 00:30 larda, Olmazor tumanida joylashgan “Mineral suvlar” blok-postida xizmat olib borayotgan, Toshkent shahar IIBB YHXB YPX xodimi U.Maxkamov tomonidan, piyoda ravishda harakatlanib kelayotgan, 1981-yilda tug‘ilgan U.A. to‘xtatilib, uning ma’lumotlari planshet moslamasi yordamida, maxsus dastur orqali teshirilganida, fuqaro U.A. O‘zbekiston Respublikasi Jinoyat Kodeksining 168-moddasi 1-qismi bilan ayblanib, 2021-yil 6-iyun kunidan buyon qidirdaligi ma’lum bo‘lgan.

Tegishli hujjatlar rasmiylashtirilib, fuqaro U.A. Olmazor tumani IIO FMBga topshirilgan.

- 2021-yil 22-noyabr kuni soat 19:30 larda, Mirobod tumani IIO FMB Tergov bo‘limi tergovchisi M.Xidirov, Toshkent shahar IIBB YHXB YPX xodimi Sh.Xolnazarov hamda Mirobod tumani IIO FMB JTSB va PPX xodimi R.Raximovlar tomonidan hamkorlikda o‘tkazilgan tezkor-qidiruv tadbiri davomida, O‘zbekiston Respublikasi Jinoyat Kodeksining 244-moddasi 3-qismi bilan ayblanib, 2021-yil 3-yanvar kunidan buyon qidiruvda bo‘lgan, 1976-yilda tug‘ilgan fuqaro K.A. qo‘lga olingan.

Tegishli hujjatlar rasmiylashtirilib, fuqaro K.A. Mirobod tumani IIO FMB huzuridagi Tergov bo‘limiga topshirilgan.

- 2021-yil 22-noyabr kuni soat 23:00 larda Sirg‘ali tumanida xizmat olib borayotgan YPX xodimlari T.Ruziboyev, Gʻ.Quvonov va A.Abdukamolovlar tomonidan, Yangi Sirg‘ali ko‘chasi bo‘ylab harakatlanib kelayotgan, haydovchi, 2000-yilda tug‘ilgan D.N. boshqaruvidagi "Matiz" rusumli avtomobil to‘xtatilib, xolis va guvohlar ishtirokida tekshirilganida, avtomobil oldi o‘rindig‘i tagidan 4 dona, “Regapen” nomli psixotrop dori tabletkalari topilgan.

Mazkur holat yuzasidan tegishli hujjatlar rasmiylashtirilib, fuqaro D.N. va aniqlangan vositalar Sirg‘ali tumani IIO FMBga topshirilgan.

- 2021-yil 22-noyabr kuni soat 21:50 larda M.Ulug‘bek tumanida xizmat olib borayotgan YPX xodimlari S.Eshpulatov, D.Axmedov, J.Nig‘matullayev va Z.Usmonovlar tomonidan, Shahrisabz ko‘chasi bo‘ylab harakatlanib kelayotgan "Nexia" rusumli avtomobil to‘xtatilib, xolis va guvohlar ishtirokida tekshirilganida, yo‘lovchi, 1983-yilda tug‘ilgan S.K.ning yonidan 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro S.K. va aniqlangan modda M.Ulug‘bek tumani IIO FMBga topshirilgan.

Yo‘llardagi tekshiruvlar davom etmoqda...