Samarqand viloyati, Ishtixon tumani IIB navbatchilik qismiga oʻgʻirlik sodir boʻlganligi haqida xabar kelib tushgan. 2022-yil 27-avgust kuni Ishtixon tumani hududidan oʻtuvchi M-37 avtomobil yoʻlining 45-kilometrida harakatlanib kelayotgan “Nexia” rusumli avtomobil YPX xodimi B.Hayitovda shubha uygʻotgan va oldinda xizmat olib borayotgan hamkasblariga maxsus aloqa vositasi (ratsiya) orqali maʼlum qilib, ushbu avtomobilni toʻxtatish choralari koʻrilishini soʻragan. Haydovchi YPX xodimining ishorasiga boʻysunmasdan harakatni davom ettirgan.

Koʻrilgan choralar natijasida avtomobil toʻxtatilgan. Tekshiruv davomida avtomobil salonida bir bosh qoramol borligi, keyinchalik maʼlum boʻlishicha ushbu qora mol oʻgʻirlab ketayotganligi maʼlum boʻlgan.

Mazkur holat yuzasidan Samarqand shahar IIB huzuridagi TB tomonidan tergov harakatlari olib borilmoqda.