Tekshiruvlar davomida:

- 2022-yil 12-mart kuni soat 00:10 larda, Yunusobod tumanida xizmat olib borayotgan YPX xodimi J.Nigmatullayev tomonidan, A.Donish koʻchasi boʻylab harakatlanib kelayotgan “Damas” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1990-yilda tugʻilgan E.J.ning yonidan 8 dona “Regapen” nomli psixotrop dori vositalari hamda qogʻozga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro E.J. va aniqlangan vositalar Yunusobod tumani IIO FMBga topshirilgan.

- 2022-yil 12-mart kuni soat 02:30 larda, Mirobod tumanida xizmat olib borayotgan YPX xodimi M.Pardaliyev tomonidan, Shahrisabz koʻchasi boʻylab harakatlanib kelayotgan “Cobalt” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 2001-yilda tugʻilgan D.R.ning yonidan 8 dona ”Tropikamid” va 2 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro D.R. va aniqlangan vositalar Mirobod tumani IIO FMBga topshirilgan.

- 2022-yil 12-mart kuni soat 00:20 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Toʻraboyev va F.Djoʻrayevlar tomonidan, Toshkent viloyatidan poytaxtga kirib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1988-yilda tugʻilgan M.X.ning yonidagi sigareta qutisi ichidan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.X. va aniqlangan modda Bektemir tumani IIO FMBga topshirilgan.

Yoʻllarda tekshiruvlar davom etmoqda...