Tekshiruvlar davomida ayrim haydovchi va yoʻlovchilarning yonidan giyohvandlikka oʻxshash moddalar topilmoqda:

- 2022-yil 16-yanvar kuni soat 11:50 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari A.Poʻlatov va B.Nugʻmonovlar tomonidan, Toshkent viloyatidan poytaxtga kirib kelayotgan “Nexia-3” rusumli avtomobil toʻxtatilib, xolis va guvohlar ishtirokida tekshirilganida, salonidan jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi, 1988-yilda tugʻilgan B.I. va aniqlangan modda Bektemir tumani IIO FMBga topshirilgan.

- 2022-yil 16-yanvar kuni soat 21:30 larda Yashnobod tumanida xizmat olib borayotgan YPX xodimi J.Inoyatov tomonidan, Maxtumquli koʻchasi boʻylab harakatlanib kelayotgan “Captiva” rusumli avtomobil toʻxtatilib, xolis va guvohlar ishtrokida tekshirilganida, yoʻlovchi, 1992-yilda tugʻilgan R.T.ning yonidan gugurt qutisiga solingan xamda qogʻozga oʻralgan, yashil rangli, oʻtkir hidli, quritilgan oʻsimlik moddalari topilgan.

Mazkur holat yuzasidan tegishli hujjatlar rasmiylashtirilib, fuqaro R.T. va aniqlangan moddalar Yashnobod tumani IIO FMBga topshirilgan.

- 2022-yil 17-yanvar kuni soat 01:20 larda, Yashnobod tumanida xizmat olib borayotgan YPX xodimlari tomonidan, Maxtumquli koʻchasi boʻylab harakatlanib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, yoʻlovchisi, 1992-yilda tugʻilgan M.K.ning yonidan selofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.K. va aniqlangan modda Yashnobod tumani IIO FMBga topshirilgan.

Tekshiruvlar davom etmoqda.