Текширувлар давомида айрим ҳайдовчи ва йўловчиларнинг ёнидан гиёҳвандликка ўхшаш моддалар топилмоқда: 

- 2022 йил 16 январь куни соат 11:50 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари А.Пўлатов ва Б.Нуғмоновлар томонидан, Тошкент вилоятидан пойтахтга кириб келаётган "Nexia-3" русумли автомобиль тўхтатилиб, холис ва гувоҳлар иштирокида текширилганида, салонидан жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, ҳайдовчи, 1988 йилда туғилган Б.И. ва аниқланган модда Бектемир тумани ИИО ФМБга топширилган.

- 2022 йил 16 январь куни соат 21:30 ларда Яшнобод туманида хизмат олиб бораётган ЙПХ ходими Ж.Иноятов томонидан, Махтумқули кўчаси бўйлаб ҳаракатланиб келаётган "Captiva" русумли автомобиль тўхтатилиб, холис ва гувоҳлар иштрокида текширилганида, йўловчи, 1992 йилда туғилган Р.Т.нинг ёнидан гугурт қутисига солинган хамда қоғозга ўралган, яшил рангли, ўткир ҳидли, қуритилган ўсимлик моддалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро Р.Т. ва аниқланган моддалар Яшнобод тумани ИИО ФМБга топширилган.

- 2022 йил 17 январь куни соат 01:20 ларда, Яшнобод туманида хизмат олиб бораётган ЙПХ ходимлари томонидан, Махтумқули кўчаси бўйлаб ҳаракатланиб келаётган "Lacetti" русумли автомобиль тўхтатилиб, холис ва гувоҳлар иштирокида текширилганида, йўловчиси, 1992 йилда туғилган М.К.нинг ёнидан целлофанга солинган, оқ рангли, ўткир ҳидли, кукунсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.К. ва аниқланган модда Яшнобод тумани ИИО ФМБга топширилган.

Текширувлар давом этмоқда.