Ayni paytda olib borilayotgan qurilish-ta’mirlash ishlari munosabati bilan “Keles yo‘li” ko‘chasining Toshkent tumaniga kirish qismidan “Hasanboy ota” jome masjidigacha bo‘lgan qismida ta’mirlash ishlari olib borilayotganligi sababli, mazkur ta’mirlash ishlari yakunlangunga qadar transport vositalari harakati uchun vaqtinchalik yopiladi. Shu sababli, haydovchilarga boshqa aylanma yo‘llar orqali harakatlanish tavsiya etiladi. Jumladan, haydovchilar vaqtinchalik tumanning Hasanboy qishlog‘i hududidan o‘tgan 4H-699 “Keles sh. - Hasanboy q.” hamda sobiq M.Fozilov jamoa xo‘jaligi hududidan o‘tgan 4P-4 “Toshkent sh. - Keles sh. - Qozoqkentsoy q.” avtomobil yo‘lining 3-14 kilometrlari orqali harakatlanib o‘tishlari mumkin. Bundan tashqari mazkur qurilish ishlarining birinchi bosqichi yakunlangandan so‘ng Keles shaharchasidagi temir yo‘l izi ustidan o‘tgan yo‘l o‘tkazgichni (ko‘prik) ta’mirlash olib boriladi. Shu bois 4P4a “4P4 avtoyo‘lidan-Sariyog‘och shahriga shahobcha” avtomobil yo‘lining 0-1 kilometrlari (ko‘prik) oraliqlari yopilishi rejalashtirilgan.

Toshkent viloyati IIBB YHXB Axborot xizmati