2024-yil 15-mart kuni Qashqadaryo viloyati, Koʻkdala tumani hududida joylashgan “Umakay” muntazam YPX maskanida viloyat YHXB hamda boshqa sohaviy xizmatlarning xodimlari bilan oʻtkazilgan tezkor tadbir davomida “Cobalt” rusumli avtomobil toʻxtatilib tekshirilgan. Tekshiruv davomida transport vositasi haydovchisining yonidan gugurt qutilariga solingan, shuningdek, sellofanga oʻralgan, koʻrinishidan giyohvandlik vositasiga oʻxshash modda topilgan.

Holat yuzasidan oʻrnatilgan tartibda tegishli hujjatlar rasmiylashtirilgan boʻlib, hozirda masʼullar tomonidan tergovoldi surishtiruv ishlari amalga oshirilmoqda.