2021-yil 24-dekabr kuni soat 01:45 larda, Toshkent shahar, Bektemir tumanida joylashgan "Sharq" YPX maskanida xizmat olib borayotgan YPX xodimlari A.Po‘latov va F.Djurayevlar tomonidan, Toshkent viloyatidan poytaxtga kirib kelayotgan "Lada Vesta" rusumli avtomobil to‘xtatilib, xolis va guvohlar ishtirokida tekshirilganida, yo‘lovchisi, 1976-yilda tug‘ilgan Gʻ.V.ning sumkasidan 21 ta konvalyutada jami 208 dona "Zardeks", 14 dona "Regapen", 4 dona "Baralgin" va 1 dona "Tropikamid" nomli psixotrop dori vositalari borligi aniqlangan.

Shuningdek, yana bir yo‘lovchi, 1998-yilda tug‘ilgan A.R.ning ma’lumotlari planshet moslamasi yordamida maxsus dastur orqali tekshirilganida, fuqaro A.R. O‘zbekiston Respublikasi Jinoyat Kodeksining 168-moddasi 1-qismi bilan ayblanib qidiruvda ekanligi ma’lum bo‘lgan.

Mazkur holat yuzasidan tegishli hujjatlar rasmiylashtirilib, fuqarolar va aniqlangan vositalar Bektemir tumani IIO FMBga topshirilgan.