2023-yil 7-iyul kuni IIV JXD YHXX navbatchilik qismi tomonidan "Malibu" avtomobilining old va orqa tomonidagi 01Z444MB bo‘lgan davlat raqam belgisi yechib o‘g‘irlab ketilganligi, mazkur qing‘ir ishda 01L675BC davlat raqam belgili, "Lacetti" rusumli avtomobil haydovchisi gumonlanayotganligi haqidagi xabar YPX xodimlariga yetkazilgan.

"Qamchiq" dovonida joylashgan "Namangan" YPX maskanida xizmat olib borayotgan YPX xodimlari tomonidan shu kuni 01L675BC davlat raqam belgili, "Lacetti" rusumli avtomobil to‘xtatilgan. Xolis va guvohlar ishtirokidagi tekshiruv davomida avtomobilning salonidan, haydovchi o‘rindig‘i ostidan "Malibu" avtomobiliga tegishli bo‘lgan bir juft 01Z444MB davlat raqam belgisi topilgan.

Holat yuzasidan tegishli hujjatlar rasmiylashtirilib, 20 yoshli haydovchi va uning boshqaruvidagi avtomobil hamda topilgan davlat raqam belgisi Yunusobod tumani IIO FMB JQB xodimlariga topshirilgan.