2022-yil 3-fevral kuni soat 23:30 larda, Yakkasaroy tumanida xizmat olib borayotgan YPX xodimlari A.Moʻminov va F.Ostonovlar tomonidan, Shota Rustaveli koʻchasi boʻylab harakatlanib kelayotgan, “Malibu” rusumli avtomobil toʻxtatilib, xolis va guvohlar ishtirokida tekshirilganda, avtomobilda boʻlgan fuqarolarning yonidan jami, 1 dona “kastet”, 1 dona temir “teleskopik dubinka”, 1 dona pichoq, 2 dona “Tropikamid”, 23 dona “Regapen” nomli psixotrop dori vositalari va sellofanga oʻralgan, jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, avtomobilda boʻlgan fuqarolar va aniqlangan vositalar Yakkasaroy tumani IIO FMBga topshirilgan.

Tekshiruvlar davom etmoqda...