Chirchiq shahridagi tungi tekshiruvlar davomida “Damas” rusumli avtomobilni boshqarib kelgan haydovchi spirtli ichimlik isteʼmol qilganlikda gumonlanib, YPX xodimi tomonidan tekshiruvga taklif etildi. Haydovchi javobgarlik mavjudligi haqida juda yaxshi biladi. Tekshiruvdan oʻtmaslik maqsadida turli nayranglar (alkotesterga puflamaslik va vaqtni choʻzish) qilishga urindi. Koʻrinishidan spirtli ichimlik isteʼmol qilgan haydovchi tekshiruvdan oʻtdi. Xodimning gumonlari oʻz tasdigʻini topib, haydovchi mast holda ekanligi maʼlum boʻldi va unga nisbatan Oʻzbekiston Respublikasi MJtKning 131-moddasi tartibida bayonnoma tuzilib, avtomobili vaqtincha saqlash uchun jarima maydoniga qoʻyildi.

Ushbu videoda mast holdagi haydovchilardan biri aks etgan holat. Javobgarlikdan qochish maqsadida ziddiyatli, tortishuvli vaziyatni yuzaga keltirishga urinib ming hunar koʻrsatadigan bu kabi mast holdagi haydovchilar koʻplab uchraydi.

Haydovchilardan mast holda transport boshqarmaslikni soʻraymiz.