Davlat raqam belgisi to‘g‘ri aniqlanishiga to‘sqinlik qiladigan bo‘yoq surtilgan "Nexia" rusumli avtomobil haydovchisiga o‘rnatilgan tartibda bayonnoma tuzildi.

Mazkur avtomobilda qoidabuzarlik sodir etilgan vaqtda maxsus moslama davlat raqam belgisini avtomatik tarzda qayd etishda xatolikka yo‘l qo‘yadi. Haydovchi tomonidan ko‘zlangan maqsad ham shu. Afsuski bunday qoidabuzarliklar ortib bormoqda. Raqamlarni yashirib tezlikni oshirish, qoidalarni chetlab o‘tish — oxiri ko‘ngilsiz yakun topadigan hodisalarga sabab bo‘lishi mumkin.

Barcha fuqarolar yo‘llarda xavfsiz harakatlanib, oilasi bag‘riga sog‘-salomat yetib borishini istaymiz!