YPX xodimlari tomonidan tekshiruvlar davomida:

- 2022-yil 6-mart kuni soat 04:10 larda, Yunusobod tumanida joylashgan “Uchqahramon” YPX maskanida xizmat olib borayotgan YPX xodimlari R.Oʻrinboyev va I.Miyliyevlar tomonidan poytaxtdan Toshkent viloyatiga chiqib ketayotgan “Mercedes-Benz” rusumli avtomobil haydovchisi toʻxtatilib, xolis va guvohlar ishtirokida tekshirilganda, transport vositasining salonidan shisha idishga solingan, qora rangli shubhali modda topilgan.

Holat yuzasidan tegishli hujjatlar rasmiylashtirilib, haydovchi, 1990-yilda tugʻilgan J.A. va topilgan modda Yunusobod tumani IIO FMBga topshirilgan.

- 2022-yil 6-mart kuni soat 22:00 larda Chilonzor tumaniga xizmatga jalb qilingan YPX xodimi J.Erkinov tomonidan Al-Xorazmiy koʻchasida harakatlanib kelayotgan “Nexia” rusumli avtomobil haydovchisi toʻxtatilib, xolis va guvohlar ishtirokida tekshirilganda, transport vositasining salon qismidan 2 dona “Tropikamid” nomli psixotrop dori vositalari topilgan.

Holat yuzasidan tegishli hujjatlar rasmiylashtirilib, 1998-yilda tugʻilgan haydovchi D.Yu. va topilgan modda Chilonzor tumani IIO FMBga topshirilgan.

- 2022-yil 6-mart kuni soat 23:20 larda Bektemir tumaniga xizmatga jalb qilingan YPX xodimlari K.Ikromov va A.Oʻtbosarovlar tomonidan Parkent yoʻli koʻchasida harakatlanib kelayotgan “Spark” rusumli avtomobil haydovchisi toʻxtatilib xolis va guvohlar ishtirokida tekshirilganda, transport vositasining salon qismidan 1 dona 1000 soʻmlik pul kupyurasiga oʻralgan, jigar rangli, oʻtkir hidli, quritilgan oʻsimlik moddasi topilgan.

Holat yuzasidan tegishli hujjatlar rasmiylashtirilib, haydovchi, 1987-yilda tugʻilgan A.S. va topilgan modda Chilonzor tumani IIO FMBga topshirilgan.

Yoʻllarda tekshiruvlar davom etmoqda...