ЙПХ ходимлари томонидан текширувлар давомида:

- 2022 йил 6 март куни соат 04:10 ларда, Юнусобод туманида жойлашган “Учқаҳрамон” ЙПХ масканида хизмат олиб бораётган ЙПХ ходимлари Р.Ўринбоев ва И.Мийлиевлар томонидан пойтахтдан Тошкент вилоятига чиқиб кетаётган “Mercedes-Benz” русумли автомобиль ҳайдовчиси тўхтатилиб, холис ва гувоҳлар иштирокида текширилганда, транспорт воситасининг салонидан шиша идишга солинган, қора рангли шубҳали модда топилган.

Ҳолат юзасидан тегишли ҳужжатлар расмийлаштирилиб, ҳайдовчи, 1990 йилда туғилган Ж.А. ва топилган модда Юнусобод тумани ИИО ФМБга топширилган.

- 2022 йил 6 март куни соат 22:00 ларда Чилонзор туманига хизматга жалб қилинган ЙПХ ходими Ж.Эркинов томонидан Ал-Хоразмий кўчасида ҳаракатланиб келаётган “Nexia” русумли автомобиль ҳайдовчиси тўхтатилиб, холис ва гувоҳлар иштирокида текширилганда, транспорт воситасининг салон қисмидан 2 дона “Тропикамид” номли психотроп дори воситалари топилган.

Ҳолат юзасидан тегишли ҳужжатлар расмийлаштирилиб, 1998 йилда туғилган ҳайдовчи Д.Ю. ва топилган модда Чилонзор тумани ИИО ФМБга топширилган.

- 2022 йил 6 март куни соат 23:20 ларда Бектемир туманига хизматга жалб қилинган ЙПХ ходимлари К.Икромов ва А.Ўтбосаровлар томонидан Паркент йўли кўчасида ҳаракатланиб келаётган “Spark” русумли автомобиль ҳайдовчиси тўхтатилиб холис ва гувоҳлар иштирокида текширилганда, транспорт воситасининг салон қисмидан 1 дона 1000 сўмлик пул купюрасига ўралган, жигар рангли, ўткир ҳидли, қуритилган ўсимлик моддаси топилган.

Ҳолат юзасидан тегишли ҳужжатлар расмийлаштирилиб, ҳайдовчи, 1987 йилда туғилган А.С. ва топилган модда Чилонзор тумани ИИО ФМБга топширилган.

Йўлларда текширувлар давом этмоқда...