2024-yil 9-sentabr kuni soat 08:30 larda Namangan viloyati, Pop tumani hududida joylashgan “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishi boʻylab harakatlanib kelayotgan haydovchi, 1994-yilda tugʻilgan J.M. boshqaruvidagi “Cobalt” rusumli avtomobil toʻxtatilib, xolis va guvohlar ishtirokida tekshirilganda yoʻlovchisi, 1994-yilda tugʻilgan X.X.ga tegishli sumka ichidan 60 dona “Tropikamid” va 1120 dona psixotrop dori vositalari olib ketilayotganligi aniqlangan.

Holat tegishli tartibda rasmiylashtirilib, fuqarolar va psixotrop dori vositalari Pop tumani IIBga topshirilgan.

2024-yil 15-sentabr kuni soat 09:10 larda “Namangan” YPX maskanida xodimlar tomonidan “Vodiy-Toshkent” yoʻnalishida harakatlanib kelayotgan “Lacetti” avtomobili toʻxtatilgan. Tekshiruv davomida transport vositasining yukxonasida tegishli hujjatlari boʻlmagan, 9 xil turdagi jami 277 quti dori-darmon mahsulotlari olib ketilayotganligi aniqlangan.

Holat tegishli tartibda rasmiylashtirilib, haydovchi va aniqlangan dori vositalari Iqtisodiy jinoyatlarga qarshi kurashish departamentining Pop tumani boʻlimi xodimlariga topshirilgan.

2024-yil 15-sentabr kuni soat 11:00 larda “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishida harakatlanib kelayotgan haydovchi, 1998-yilda tugʻilgan Sh.S. boshqaruvidagi “Nexia-3” rusumli avtomobil toʻxtatilib tekshirilganda, salonidagi sigareta qutisi ichidan toʻq yashil rangli, oʻtkir hidli, “gashish” giyohvandlik moddasiga oʻxshash modda topilgan.

Holat tegishli tartibda rasmiylashtirilib, fuqaro Sh.S. va aniqlangan modda Pop tumani IIBga topshirilgan.

2024-yil 16-sentabr kuni soat 10:10 larda “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishida harakatlanib kelayotgan haydovchi, 2001-yilda tugʻilgan M.Z. boshqaruvidagi “Nexia-3” rusumli avtomobil toʻxtatilib tekshirilganda, yoʻlovchisi, 1982-yilda tugʻilgan J.X. oʻzining xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruv davomida ushbu fuqaroning choʻntagidagi sigareta qutisi ichidan toʻq jigar rangli, oʻtkir hidli, saqichsimon, “opiy” giyohvand moddasiga oʻxshash modda hamda 3 dona “Regapen” nomli psixotrop dori vositalari borligi aniqlangan.

Holat tegishli tartibda rasmiylashtirilib, fuqaro J.X. hamda aniqlangan modda va psixotrop dori vositalari Pop tumani IIBga topshirilgan.

Yoʻllarda tekshiruvlar davom etmoqda...