2024-yil 6-noyabr kuni soat 13:20 larda “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishida xarakatlanib kelayotgan haydovchi, 1990-yilda tugʻilgan Q.Q. boshqaruvidagi “Lacetti” rusumli avtomobil toʻxtatilib tekshirilganda, Q.Q. oʻzining xatti-harakatlari bilan xodimlarda shubha uygʻotgan.

Xolis va guvohlar ishtirokidagi tekshiruv davomida avtomobilning tom qismidan sellofanga oʻralgan, jigar rangli, oʻtkir hidli, “Gashish” giyohvandlik moddasiga oʻxshash moddalar hamda 2 dona “Tropikamid” va 10 dona “Regapen” nomli psixotrop dori vositalari aniqlangan.

Holat tegishli tartibda rasmiylashtirilib, haydovchi va aniqlangan moddalar hamda psixotrop dori vositalari Pop tumani IIBga topshirilgan.

2024-yil 7-noyabr kuni soat 06:30 larda “Namangan” YPX maskanida xizmat olib borayotgan YHXX “Qamchiq” dovoni boʻyicha YPX otryadi xodimlari tomonidan “Vodiy-Toshkent” yoʻnalishida harakatlarib kelayotgan haydovchi, 1979-yilda tugʻilgan M.Sh. boshqaruvidagi “Lacetti” rusumli avtomobil toʻxtatilib tekshirilganda, transport vositasining salonida va yukxonasida 5250 quti tamaki mahsulotlari olib ketilayotganligi aniqlangan.

Mazkur holat rasmiylashtirilib, haydovchi va tamaki mahsulotlari IJQK Departamentining Pop tumani boʻlimiga topshirilgan.

2024-yil 7-noyabr kuni soat 21:30 larda “Namangan” YPX maskanida haydovchi, 1987-yilda tugʻilgan A.N. boshqaruvidagi ʻLacettiʻ rusumli avtomobil toʻxtatilib tekshirilganda, yoʻlovchisi, 1998-yilda tugʻilgan M.N. oʻzining xatti-harakatlari bilan xodimlarda shubha uygʻotgan.

Xolis va guvohlar ishtirokidagi tekshiruv davomida uning yonidan 1 dona “Tropikamid” va 53 dona “Lirika” nomli psixotrop dori vositalari aniqlangan. Shundan soʻng, M.N. xodimlardan qochishga ham uringan.

Mazkur holat yuzasidan tegishli hujjatlar rasmiylashtirilib, fuqaro M.N. va aniqlangan dori vositalari Pop tumani IIBga topshirilgan.