2024-yil 21-fevral kuni soat 09:30 larda Namangan viloyati, Pop tumani hududida joylashgan “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishida harakatlanib kelayotgan “Lacetti” rusumli avtomobil toʻxtatilib tekshirilganda yoʻlovchi, 1999-yilda tugʻilgan Y.M.ga tegishli boʻlgan “sumka”dan tegishli hujjatlari boʻlmagan, chet mamlakatda ishlab chiqarilgan 26 dona telefon apparatlari olib ketilayotganligi aniqlangan.

Shuningdek, soat 14:40 larda “Vodiy-Toshkent” yoʻnalishi boʻylab harakatlanib ketayotgan haydovchi, 1979-yilda tugʻilgan O.M. boshqaruvidagi “Cobalt” rusumli avtomobil toʻxtatilib tekshirilganda, tegishli hujjatlari boʻlmagan 4430 quti tamaki mahsulotlari olib ketilayotganligi aniqlangan.

Mazkur holatlar tegishli tartibda rasmiylashtirilib, ushbu fuqarolar hamda aniqlangan tamaki mahsulotlari va telefon apparatlari Iqtisodiy jinoyatlarga qarshi kurashish departamentining Pop tumani boʻlimi xodimlariga topshirilgan.

Yoʻllarda tekshiruvlar davom etmoqda...