2024-yil 2-noyabr kuni soat 15:40 larda Namangan viloyati, Pop tumani hududida joylashgan “Namangan” YPX maskanida xizmat olib borayotgan YHXX “Qamchiq” dovoni boʻyicha YPX otryadi xodimlari tomonidan “Vodiy-Toshkent” yoʻnalishi boʻylab harakatlanib kelayotgan haydovchi, 1987-yilda tugʻilgan D.A. boshqaruvidagi “Captiva” rusumli avtomobil toʻxtatilib, xolis va guvohlar ishtirokida tekshirilganda avtomobil salonidan sellofanga oʻralgan, toʻq yashil rangli, oʻtkir hidli, “gashish” giyohvandlik moddasiga oʻxshash modda aniqlangan.

2024-yil 3-noyabr kuni soat 10:40 larda “Namangan” YPX maskanida xodimlar tomonidan “Vodiy-Toshkent” yoʻnalishida harakatlanib kelayotgan “Nexia-3” rusumli avtomobil toʻxtatilgan. Haydovchi, 2001-yilda tugʻilgan I.S.ning xatti-harakatlari xodimlarda shubha uygʻotganligi sababli xolis va guvohlar ishtirokida tekshiruv oʻtkazilgan. Tekshiruv davomida I.S.ning yonida boʻlgan “zajigalka” tagida toʻq yashil rangli, oʻtkir hidli, koʻrinishidan “gashish” giyohvandlik moddasiga oʻxshash modda yopishtirilganligi aniqlangan.

2024-yil 4-noyabr kuni soat 15:30 larda “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishida harakatlanib kelayotgan haydovchi, 1989-yilda tugʻilgan O.M. boshqaruvidagi “Malibu-2” rusumli avtomobil toʻxtatilib tekshirilganda, yoʻlovchisi A.M. oʻzining xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruv davomida ushbu fuqaroning choʻntagidan qogʻizga oʻralgan, yashil rangli, oʻtkir hidli, “arixuanna” giyohvand moddasiga oʻxshash modda aniqlangan.

Mazkur holatlar boʻyicha YPX xodimlari tomonidan tegishli hujjatlar rasmiylashtirilib, fuqarolar va aniqlangan moddalar Pop tumani IIBga topshirilgan.

Yoʻllarda tekshiruvlar davom etmoqda...