2024-yil 7-sentabr kuni soat 12:40 larda Namangan viloyati, Pop tumani hududida joylashgan “Namangan” YPX maskanida xizmat olib borayotgan YPX hamda boshqa sohaviy xizmatlarning xodimlari tomonidan hamkorlikda oʻtkazilgan tadbir davomida, “Toshkent-Vodiy” yoʻnalishi boʻylab harakatlanib kelayotgan haydovchi, 1994-yilda tugʻilgan B.X. boshqaruvidagi “Matiz” rusumli avtomobil toʻxtatilib tekshirilganda, yoʻlovchisi, 1980-yilda tugʻilgan A.Q. koʻrinishidan xodimlarda shubha uygʻotgan. Xolis va guvohlar ishtirokidagi tekshiruv davomida ushbu fuqaroning yonidan sellofanga oʻralgan, umumiy vazni 519 gramm toʻq yashil rangli, oʻtkir hidli moddalar topilgan.

Holat yuzasidan tegishli hujjatlar rasmiylashtirilib, ushbu fuqarolar va topilgan moddalar DXX xodimlariga topshirilgan.

Shu kuni soat 15:30 larda “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishi boʻylab harakatlanib kelayotgan haydovchi, 1995-yilda tugʻilgan A.A. boshqaruvidagi “Nexia-3” rusumli avtomobil toʻxtatilib tekshirilganda, yoʻlovchilari, 1996-yilda tugʻilgan J.Y. hamda Z.A.lar avtomobildan tushib yonida boʻlgan narsalarni otib yuborishgan. Xolis va guvohlar ishtirokida otib yuborilgan narsalar topilib tekshirilganda, 3 dona sellofanga oʻralgan, toʻq yashil rangli, oʻtkir hidli moddalar ekanligi aniqlangan.

Holat yuzasidan tegishli hujjatlar rasmiylashtirilib, fuqarolar va topilgan moddalar Pop tumani IIBga topshirilgan.

Yoʻllarda tekshiruvlar davom etmoqda...