Musobaqaning mintaqaviy bosqichida gʻoliblikni qoʻlga kiritgan 4 ta jamoalar ishtirokida oʻtkazilgan viloyat bosqichi qizgʻin jarayonlar, murosasiz bahslarga boy oʻtdi. Chust tumanining “Qalqon”, Norin tumanining “Yosh targʻibotchi”, Namangan tumanining “N-Yosh targʻibotchi” va Kosonsoy tumanining “Piyodalar” jamoalari oʻzlarining yoʻl harakati xavfsizligiga oid bor bilimlari, imkoniyat hamda isteʼdodlarini namoyon etishdi.

Yakuniy natijalarga koʻra Kosonsoy tumanining “Piyodalar” jamoasi eng yuqori natija bilan musobaqaning Respublika bosqichiga yoʻllanmani qoʻlga kiritdi. Musobaqa yakunida gʻolib hamda ishtirokchilarga diplom, esdalik sovgʻalari va kitoblar toʻplami taqdim etildi.