Tekshiruvlar davomida:

- 2022-yil 22-avgust kuni soat 01:10 larda Toshkent shahar, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Turaboyev va D.Payziyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1984-yilda tugʻilgan M.R.ning sumkasidan 12 dona “Tropikamid” va 20 ta konvalyutada jami 277 dona “Regopen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro M.R. va topilgan vositalar Bektemir tumani IIO FMBga topshirilgan.

- 2022-yil 21-avgust kuni soat 21:50 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Turaboyev va D.Payziyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1982-yilda tugʻilgan Z.T.ning yonidagi sigareta qutisi ichidan, zar qogʻozga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Z.T. va topilgan modda Bektemir tumani IIO FMBga topshirilgan.

Yoʻllarda tekshiruvlar davom etmoqda...