Текширувлар давомида:

- 2022 йил 22 август куни соат 01:10 ларда Тошкент шаҳар, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Ж.Турабоев ва Д.Пайзиевлар томонидан, Тошкент вилоятидан пойтахтга кириб келаётган "Lacetti" русумли автомобиль тўхтатилиб, холис ва гувоҳлар иштирокида текширилганда, йўловчи, 1984 йилда туғилган М.Р.нинг сумкасидан 12 дона “Тропикамид” ва 20 та конвалютада жами 277 дона “Регопен” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.Р. ва топилган воситалар Бектемир тумани ИИО ФМБга топширилган.

- 2022 йил 21 август куни соат 21:50 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Ж.Турабоев ва Д.Пайзиевлар томонидан, Тошкент вилоятидан пойтахтга кириб келаётган "Lacetti" русумли автомобиль тўхтатилиб, холис ва гувоҳлар иштирокида текширилганда, йўловчи, 1982 йилда туғилган З.Т.нинг ёнидаги сигарета қутиси ичидан, зар қоғозга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро З.Т. ва топилган модда Бектемир тумани ИИО ФМБга топширилган.

Йўлларда текширувлар давом этмоқда...