Tekshiruvlar davomida:

- 2022-yil 17-iyul kuni soat 13:30 larda Chilonzor tumanida joylashgan “Erkin” YPX maskanida xizmat olib borayotgan YPX xodimlari E.Pernaboyev va A.Tojiyevlar tomonidan, Toshkent viloyatidan poytaxtga kirib kelayotgan "Nexia" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi, 1998-yilda tug‘ilgan V.S.ning yonidan syellofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro V.S. va topilgan modda Chilonzor tumani IIO FMBga topshirilgan.

- 2022-yil 17-iyul kuni soat 23:55 larda Bektemir tumanida joylashgan “Sharq” YPX maskanida xizmat olib borayotgan YPX xodimlari D.Payziyev va N.Dosimovlar tomonidan, Toshkent viloyatidan poytaxtga kirib kelayotgan "Lacetti" rusumli avtomobil to‘xtatilib tekshirilganda, yo‘lovchi, 1995-yilda tug‘ilgan Sh.I. o‘zining ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida ushbu yo‘lovchiga tegishli bo‘lgan sumka ichidan 45 dona “Tropikamid” va 168 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro Sh.I. va topilgan vositalar Bektemir tumani IIO FMBga topshirilgan.

Yo‘llarda tekshiruvlar davom etmoqda...