2022-yil 5-aprel kuni soat 22:40 larda, Toshkent viloyati, Qibray tumanida xizmat olib borayotgan YPX xodimlari tomonidan “Cobalt” rusumli avtomobil toʻxtatilib tekshirilganda, yoʻlovchi, 1998-yilda tugʻilgan O.X. oʻzining koʻrinishi va xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar mobaynida fuqaro O.X.ning yonidan 15 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro O.X. va aniqlangan vositalar Qibray tumani IIBga topshirilgan.

Tekshiruvlar davom etmoqda...