Respublikamiz boʻylab joriy yilning 30-yanvar kunidan 28-fevral kuniga qadar oʻtkazilishi belgilangan “Diqqat, piyoda!” maxsus reyd tadbiriga muvofiq, Navoiy viloyati IIB JXX JTSB, HPB, YHXB hamda Milliy Gvardiya xodimlari hamkorligida Navoiy shahridagi transport vositalari serqatnov yoʻllarda piyodalar yoʻlning belgilanmagan qismida harakatlanishiga chek qoʻyish maqsadida kuchaytirilgan reyd tadbirlari tashkil etildi.

Tadbir davomida 100 dan ortiq qoidabuzarlik holatlari aniqlanib, fuqarolar bilan profilaktik tushuntirish ishlari olib borildi. Ogohlantirishlarga qaramasdan, takror qoidabuzarlik sodir etganlarga nisbatan YPX inspektorlari tomonidan maʼmuriy bayonnomalar rasmiylashtirildi. Shuningdek, shahar boʻylab 6 ta tartibga solinmagan piyodalar oʻtish yoʻlaklari yoniga haydovchilarni xushyorlikka chorlash hamda sergakligini oshirish maqsadida bolalar surati aks etgan maketlar oʻrnatildi.

“Diqqat, piyoda!” maxsus reyd tadbiri davom etmoqda...