2023-yil 28-iyun kuni tungi soat 02:15 larda Navoiy viloyati, Karmana tumanida joylashgan "Samarqand" YPX maskanida xizmat olib borayotgan YPX xodimi tomonidan "Matiz" rusumli avtomobil haydovchisi to‘xtatilgan.

O‘zaro muloqot jarayonida haydovchi va salonda bo‘lgan yo‘lovchilar xodimda shubha uyg‘otgan. Xolis va guvohlar ishtirokidagi tekshiruv davomida avtomobilning salonidan qora selofanga solingan, qog‘oz parchasiga o‘ralgan, yashil rangli, o‘tkir hidli giyohvandlik moddasiga o‘xshash o‘simlik topilgan.

Holat yuzasidan rasmiylashtirilgan tegishli hujjatlar Karmana tumani IIBga topshirilgan.