2022-yil 3-yanvar kuni soat 10:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va B.Nugʻmonovlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganida, avtomobil salonidan, “Parliament” tamaki qutisi ichida, oq qogʻozga oʻralgan, yashil rangli, oʻtkir hidli, giyohvandlik moddasiga oʻxshash quritilgan oʻsimlik parchalari topilgan.

Mazkur holat yuzasidan tegishli hujjatlar rasmiylashtirilib, haydovchi, 1999-yilda tugʻilgan K.A. hamda ushbu avtomobil yoʻlovchilari va aniqlangan modda Bektemir tumani IIO FMBga topshirilgan.

Yoʻllardagi tekshiruvlar davom etmoqda.