Ijtimoiy tarmoqlarda “Trailblazer” rusumli, 01270ZGA davlat raqam belgili avtomobil haydovchisi qarama-qarshi harakatlanish uchun moʻljallangan tomonga chiqib, svetoforning taqiqlovchi qizil chirogʻida harakatlanganligi aks etgan video tarqaldi.

Ushbu videoyozuv yuzasidan surishtiruv olib borilib, “Trailblazer” rusumli, 01270ZGA davlat raqam belgili avtomobil haydovchisi B.A.ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128⁴- va 128^­5-moddalari tartibida bayonnoma tuzildi.

Ushbu qoidabuzarlik boʻyicha videoyozuv 2021-yil 26-oktyabr kuni “eJarima” dasturiga jamoatchilikning faol vakili tomonidan yuborilgan boʻlib, ushbu qoidabuzarlikni oʻrganib chiqishda xatolikka yoʻl qoʻygan va rad etgan Toshkent shahar IIBB JXX YHXB xodimiga nisbatan xizmat tekshiruvi oʻtkazilishi belgilandi.

Yoʻllarda qoidabuzarliklarga chek qoʻyilishida oʻz hissasini qoʻshib borayotgan jamoatchilik vakillariga minnatdorchilik bildiramiz.