Ijtimoiy tarmoqda "Mercedes-Benz" rusumli 60E040MA davlat raqam belgili avtomobil haydovchisi to‘xtash va to‘xtab turish qoidalarini buzganligi hamda "Malibu" rusumli 40V001TA davlat raqam belgili avtomobil haydovchisi old oynasini qoraytirganligi (tonirovka) holati aks etgan video tarqaldi.

Video Andijon viloyati IIB JXX YHXB xodimlari tomonidan o‘rganilib, "Mercedes-Benz" rusumli 60E040MA davlat raqam belgili avtomobil haydovchisi, 1982-yilda tug‘ilgan B.K.ga nisbatan MJtKning 128 prim oltinchi moddasi birinchi qismi tartibida bayonnoma rasmiylashtirildi. "Malibu" rusumli 40V001TA davlat raqam belgili avtomobil haydovchisi, 1996-yilda tug‘ilgan E.K.ga nisbatan MJtKning 126-moddasi birinchi qismi tartibida bayonnoma rasmiylashtirilib, avtomobil vaqtincha saqlash uchun jarima maydoniga qo‘yilgan.

Barcha haydovchilardan belgilangan qoidalarga amal qilishlarini so‘raymiz.