Ijtimoiy tarmoqda "Malibu" rusumli avtomobil haydovchisi Qibray tumani, Universitet ko‘chasida qoidalarni qo‘pol tarzda chetlab o‘tib, boshqa haydovchilarning erkin va xavfsiz harakatiga xalaqit berganligi aks etgan video tarqaldi va keng jamoatchilikning muhokamalariga sabab bo‘ldi.

Mazkur qoidabuzarlik yuzasidan Toshkent shahar IIBB YHXB xodimlari tomonidan surishtiruv olib borilib, qoidani buzgan haydovchi, 1988 yilda tug‘ilgan A. D. ga nisbatan Ma’muriy javobgarlik to‘g‘risidagi Kodeksning 128-5 moddasi ikkinchi qismi tartibida bayonnoma tuzildi.

Barcha haydovchilardan qoidalarga rioya qilishlarini so‘raymiz.