Joriy yilning 8 avgust kuni Toshkent viloyati, Olmaliq shahar IIB YHXB YPX xodimi T.Xidirov tomonidan Olmaliq shahar M.Ulug‘bek ko‘chasida "Damas" rusumli avtomobil haydovchisi to‘xtatilgan. Tekshiruv davomida haydovchining o‘z muddatida to‘lanmagan qarzdorligi mavjudligi ma’lum bo‘lgan. YPX xodimi tushuntirish berib avtomobilni jarima maydoniga joylashini aytgan. Haydovchi avtomobili jarima maydoniga joylanmasligi uchun o‘z e’tirozlarini bildirgan. Avtomobilda bo‘lgan yo‘lovchi telefon orqali holatni tasvirga olgan.

YPX xodimi mazkur avtomobilni O‘zbekiston Respublikasi Ma’muriy javobgarlik to‘g‘risidagi Kodeksning 291-moddasiga asosan jarima maydoniga joylashtirgan. Haydovchi qarzdorlikni bartaraf qilib avtomobilini jarima maydonidan olib chiqib ketgan.

O‘zaro muloqot jarayonida haydovchi YPX xodimi A.Ismoilovga nisbatan haqoratli so‘z ishlatganligi uchun xodimning bildirgisi asosida tegishli hujjatlar rasmiylashtirilib ko‘rib chiqishlik uchun jinoyat ishlari bo‘yicha Olmaliq shahar sudiga yuborish choralari ko‘rilmoqda.