2022-yil 16-aprel kuni soat 23:00 larda Toshkent shahar, Olmazor tumani, KXAY ko‘chasida:
1) haydovchi M.L. boshqaruvidagi “Hyundai” rusumli;
2) haydovchi N.N. boshqaruvidagi “Cobalt” rusumli;
3) haydovchi B.Sh. boshqaruvidagi “Matiz” rusumli avtomobillar ishtirokida sodir bo‘lgan YTH yuzasidan tegishli hujjatlar rasmiylashtirilgan.

To‘plangan hujjatlar 2022-yil 27-aprel kuni ko‘rib chiqishlik uchun Jinoyat ishlari bo‘yicha Olmazor tumani sudiga yuborilgan. Sud jarayonida “Matiz” rusumli avtomobil haydovchisi B.Sh. YTHda “Spark” rusumli avtomobil ham ishtirok etganligini, uning boshqaruvidagi avtomobilning orqa tomoniga to‘qnashganligini bildirgan.

Shu sababli, 2022-yil 10-iyun kuni to‘plangan hujjatlar qayta surishtiruvga yuborilgan. Fuqaro B.Sh.ning ko‘rsatmasi yuzasidan “Spark” rusumli avtomobil haydovchisi aniqlanib, tergovga qadar tekshiruv jarayonlariga jalb etilgan.

Mazkur YTH yuzasidan tergovga qadar tekshiruv ishlarini olib borishga mas’ul bo‘lgan xodimlarning xatti-harakati bo‘yicha xizmat tekshiruvi tayinlandi.

YTH yuzasidan tergovga qadar tekshiruv ishlari mas’ul rahbarlar nazoratiga olingan bo‘lib, tekshiruvlar odilona o‘tkazilishi ta’minlanadi.