2022-yilning 15-iyun kuni soat 09:40 larda Olmazor tumanida joylashgan “Mineral suvlar” blok-postida xizmat olib borayotgan YPX xodimi, mayor A.Aliyev va kinologiya xizmati xodimi serjant B.Yunusovlar tomonidan, Toshkent shahri hududidan Toshkent viloyati hududiga chiqib ketayotgan, “Matiz” rusumli avtomobil toʻxtatilib tekshirib koʻrilganda, ushbu avtomobil saloni sigareta kuldoni ichidan qogʻoz parchasiga oʻralgan, oq rangli, oʻtkir hidli, kukunsimon modda hamda haydovchisi: 1989-yilda tugʻilgan, Toshkent shahar, Shayxontohur tumanida yashovchi Z.M. ning shimi choʻntagidan sellofan parchasiga oʻralgan, jigar rangli, oʻtkir hidli, saqichsimon modda topilib, xolislar ishtirokida olingan.
Mazkur holat yuzasidan tegishli hujjatlar rasmiylashtirilib, haydovchi Z. M. Olmazor tumani IIO FMBga topshirilgan.