2022-yil 2-yanvar kuni Fargʻona viloyati, Oltiariq tumani hududida xizmat olib borgan YPX xodimi O.Dehqonov tomonidan “Spark” rusumli avtomobil toʻxtatilib, haydovchi, 1982-yilda tugʻilgan D.X. ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 3-qismida koʻrsatilgan jinoyatni sodir qilganlikda ayblanib, qidiruvdaligi maʼlum boʻlgan.

Holat yuzasidan tegishli hujjatlar rasmiylashtirilib, haydovchi D.X. tuman IIBga topshirilgan.

Yoʻllarda tekshiruvlar davom etmoqda.