Qo‘qon shahrida Mudofaa vazirligi tashabbusi bilan “Men g‘olib” shiori ostida “Armiya o‘yinlari” miqyosida ilk marotaba “Yo‘l patruli” musobaqasi o‘tkazildi.

Unda qurolli kuchlar harbiy xizmatchilari bilan birgalikda Yo‘l harakati xavfsizligi xodimlari ham ishirok etishdi.

Musobaqa ishtirokchilari ekstrimal holatda transport boshqarish, individual holatda transport boshqarish, jamoa tarkibida transport boshqarish, ekstrimal holatda avtomobilni to‘xtatish, texnik yordamchilar zaxira shinasini almashtirishi, jamoa kapitani ekstrimal holatda avtomobilni to‘xtash joyiga joylashtirish kabi bir necha shartlar bo‘yicha belashishdi.

Musabaqa yakuniga ko‘ra 1-o‘rinni Mudofaa vazirligining Harbiy avtomobil nazorati inspeksiyasi 1-jamoasi, 2-o‘rinni Mudofaa vazirligining Harbiy avtomobil nazorati inspeksiyasi 2-jamoasi, 3-o‘rinni Farg‘ona viloyati Ichki ishlar boshqarmasi Yo‘l harakati xavfsizligi boshqaramsi jamoasi egalladi.