Yo‘llarda bolalar ishtirokidagi ko‘ngilsiz hodisalarning oldini olish maqsadida, Andijon shahridagi 31-sonli maktab o‘quvchilari o‘rtasida Davlat yo‘l harakati xavfsizligi xizmatida qo‘llanilayotgan texnika vositalari hamda boshqa turli ko‘rgazmali materiallar yordamida targ‘ibot tadbirlari bo‘lib o‘tdi. Yuqori sinflarda ta’lim olayotgan o‘quvchilarga haydovchilik guvohnomasiga ega bo‘lmay turib, qoidalarni to‘liq o‘zlashtirmasdan avtomobil boshqarishning oqibatlari yaxshi yakun topmasligi haqida tushunchalar berildi.