Hurmatli yo‘l harakati ishtirokchilari!

Respublikamiz hududida ob-havoning keskin o‘zgarishini inobatga olgan holda, O‘zbekiston Respublikasi Ichki ishlar vazirligi Yo‘l harakati xavfsizligi bosh boshqarmasi haydovchilardan:

texnik nosozliklar ayniqsa, rul boshqaruvi va tormoz tizimida nosozliklari bo‘lgan transport vositalaridan foydalanmasliklarini;

isitish tizimi nosoz bo‘lgan, avtotransport oynalari terlab sun’iy pardani hosil qilib, ko‘rinishni cheklaydigan transport vositalaridan foydalanmasliklarini;

tog‘li hududlarda, dovon yo‘llarida, jumladan vodiy viloyatlarini markaz bilan bog‘lovchi “Qamchiq” dovonida transport boshqarish malakasiga ega bo‘lmagan haydovchilardan bu xududlarda xarakatlanmasliklarini;

haydovchilar oraliq masofani xavfsizlik darajasida ushlashlarini;
- belgilangan tezlik talablariga aniq rioya qilishlarini;

transport vositasini spirtli ichimlikdan mast bo‘lgan holda boshqarmasliklarini.

Piyodalardan esa:

yo‘llarni faqatgina maxsus belgilangan piyodalar o‘tishi joylaridan o‘tishlarini va yo‘lni belgilanmagan joyidan yugurib o‘tmasliklarini, o‘tayotgan vaqtda yo‘l belgilariga amal qilib, gadjetlardan foydalanmasliklarini;

katta yoshdagilar bolalarni avtomobil yo‘li yoqalarida nazoratsiz yurishlariga yo‘l qo‘ymasliklarini so‘rab qolamiz.

Yuk avtomobillari haydovchilaridan esa:

qoidalarga ko‘ra o‘ng tomondagi birinchi bo‘lakdan harakatlanishlarini, chap bo‘lakni sababsiz egallab olib harakatlanmasliklarini, shoshilmaslikni so‘raymiz.

Avtotransportingizni katta hajmi yo‘llarda boshqa qatorlarni band qilib, ko‘plab haydovchilarga noqulayliklar tug‘dirib, nohush holatlarni yuzaga keltirishi mumkin.

Hurmatli harakat ishtirokchilari, Davlat yo‘l harakati xavfsizligi xizmati, intizomli, qoidalar talablarini amal qiluvchilarga o‘z minnatdorchiligini bildirib qoladi. Zero barchamizning maqsadimiz – XAVFSIZ YO‘LLARDA harakatlanishni ta’minlashdir!