Pirotexnika vositalarini tashish bilan bogʻliq faktlar aniqlanishi davom etmoqda
YPX xodimlari tomonidan tekshiruvlar davomida:
- 2021-yil 28-dekabr kuni soat 13:00 larda, Sirgʻali tumanida xizmat olib borayotgan YPX xodimlari Q.Otaboyev va X.Yulchiboyevlar tomonidan, Sadiy koʻchasida harakatlanib kelayotgan “Nexia-3” rusumli avtomobil toʻxtatilib tekshirilganida, avtomobil salonida jami 95 dona “7D” va 40 dona “VIP 20-выстрелов” nomli pirotexnika vositalari borligi aniqlangan.
Mazkur holat yuzasidan tegishli hujjatlar rasmiylashtirilib, haydovchi, 2000-yilda tugʻilgan A.U. va aniqlangan vositalar Sirgʻali tumani IIO FMBga topshirilgan.
- 2021-yil 28-dekabr kuni soat 12:50 larda, Bektemir tumanida xizmat olib borayotgan YPX xodimi Sh.Boynazarov tomonidan, X.Bayqaro koʻchasida harakatlanib kelayotgan “Labo” rusumli avtomobil toʻxtatilib tekshirilganida, yukxonasida 4 dona “7D”, 2 dona “Волк”, 2 dona “Золотой песок” nomli pirotexnika vositalari borligi aniqlangan.
Mazkur holat yuzasidan tegishli hujjatlar rasmiylashtirilib, haydovchi, 1988-yilda tugʻilgan J.K. va aniqlangan vositalar Bektemir tumani DSIga topshirilgan.
- 2021-yil 28-dekabr kuni soat 14:30 larda, Bektemir tumanida xizmat olib borayotgan YPX xodimlari D.Tojikulov va Gʻ.Turdiboyevlar tomonidan, TXAY koʻchasi boʻylab harakatlanib kelayotgan “Lacetti” rusumli avtomobil toʻxtatilib tekshirilganida, avtomobil salonida 4 dona “9D”, 5 dona “Огонь дракона”, 3 dona “SHOTS” va 20 quti “Британик” nomli pirotexnika vositalari borligi aniqlangan.
Mazkur holat yuzasidan tegishli hujjatlar rasmiylashtirilib, haydovchi, 1992-yilda tugʻilgan N.X. va pirotexnika vositalari Bektemir tumani IIO FMBga topshirilgan.
- 2021-yil 30-dekabr kuni soat 02:30 larda, Uchtepa tumanida xizmat olib borayotgan YPX xodimi D.Begmatov tomonidan, Furqat koʻchasidan harakatlanib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1998-yilda tugʻilgan J.O.ning sumkasidan jami 72 dona “Соловей разбойник” nomli pirotexnika vositalari borligi aniqlangan.
Holat yuzasidan tegishli hujjatlar rasmiylashtirilib, fuqaro J.O. va aniqlangan pirotexnika vositalari Uchtepa tumani IIO FMBga topshirilgan.
Yoʻllardagi tekshiruvlar davom etmoqda.