Qidiruvdagi shaxslar koʻlga olinmoqda:

- 2022-yil 23-yanvar kuni soat 13:10 larda, Chilonzor tumanida xizmat olib borayotgan YPX xodimi A.Xashimov tomonidan, Farxod koʻchasi, “Chilonzor” metro bekati qarshisida piyoda harakatlanib kelayotgan, 1973-yilda tugʻilgan M.Ya. toʻxtatilib, uning maʼlumotlari planshet moslamasi yordamida, maxsus dastur orqali tekshirilganida, fuqaro M.Ya. Oʻzbekiston Respublikasi Jinoyat Kodeksining 169-moddasi 2-qismi bilan ayblanib, 2021-yil 29-dekabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro M.Ya. Chilonzor tumani IIO FMBga topshirilgan.

- 2022-yil 23-yanvar kuni soat 10:15 larda, Olmazor tumanida xizmat olib borayotgan YPX xodimlari A.Aralov va E.Maxkamboyevlar tomonidan, Mustaqillik shox koʻchasidan harakatlanib kelayotgan “Spark” rusumli avtomobil toʻxtatilib, haydovchi, 1995-yilda tugʻilgan F.B.ning maʼlumotlari planshet moslamasi yordamida, maxsus dastur orqali tekshirilganida, fuqaro F.B. Oʻzbekiston Respublikasi Jinoyat Kodeksining 266-moddasi 1-qismi bilan ayblanib, 2021-yil 23-dekabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro F.B. M.Ulugʻbek tumani IIO FMBga topshirilgan.

Tekshiruvlar davom etmoqda...