Poytaxt ko‘chalaridagi tekshiruvlar davomida:

- 2021-yil 2-noyabr kuni soat 21:10 larda Yashnobod tumaniga xizmatga jalb etilgan Toshkent shaxar IIBB YHXB YPX xodimlari S.Samatov, X.Kimsanbayev, A.Anarbayevlar tomonidan, Istiqbol ko‘chasi bo‘ylab harakatlanib kelayotgan, 2001-yilda tug‘ilgan piyoda D.A. o‘zining xatti-harakatlari bilan xodimlarda shubha uyg‘otganligi sababli to‘xtatilib, xolis va guvohlar ishtirokida tekshirilganda, uning yonidan 1 dona sellofan paketchada, oq rangli, o‘tkir xidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro D.A. va aniqlangan modda Yashnobod tumani IIO FMBga topshirilgan.

- Yuqorida ko‘rsatilgan xodimlar tomonidan, 2021-yil 3-noyabr kuni soat 02:20 larda Istiqbol ko‘chasi bo‘ylab harakatlanib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganda, ushbu avtomobil yo‘lovchisi, 1999-yilda tug‘ilgan S.N.ning sumkasidan 1 dona “Tropikamid” dorisi va 2 dona “Regapen” nomli psixotrop dori tabletkalari topilgan.

Mazkur holat yuzasidan tegishli hujjatlar rasmiylashtirilib, fuqaro S.N. va aniqlangan moddalar Yashnobod tumani IIO FMBga topshirilgan.

Yo‘llardagi tekshiruvlar davom etmoqda...