Tekshiruvlar davomida:

- 2022-yil 1-mart kuni soat 00:40 larda, Sirgʻali tumanida xizmat olib borayotgan YPX xodimlari Oʻ.Otaboyev va T.Tojiboyevlar tomonidan, Yangi Sirgʻali koʻchasi, “Beksaroy” choyxonasi qarshisida toʻxtab turgan “Cobalt” rusumli avtomobil tekshirilganda, yoʻlovchi, 1995-yilda tugʻilgan D.Q. oʻzining koʻrinishi va xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar mobaynida fuqaro D.Q.ning yonidan 3 dona “Tropikamid” hamda 24 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro D.Q. va aniqlangan vositalar Sirgʻali tumani IIO FMBga topshirilgan.

- 2022-yil 2-mart kuni soat 00:20 larda, Shayxontohur tumanida xizmat olib borayotgan YPX xodimlari O.Muxammedov va A.Ikromovlar tomonidan, Nurafshon koʻchasi boʻylab harakatlanib kelayotgan, haydovchi, 1979-yilda tugʻilgan A.X. boshqaruvidagi “Malibu” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan 2 dona pichoq, 3 dona shpris va selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi A.X. va aniqlangan vositalar Shayxontohur tumani IIO FMBga topshirilgan.

Yoʻllarda tekshiruvlar davom etmoqda...