Текширувлар давомида:

- 2022 йил 1 март куни соат 00:40 ларда, Сирғали туманида хизмат олиб бораётган ЙПХ ходимлари Ў.Отабоев ва Т.Тожибоевлар томонидан, Янги Сирғали кўчаси, “Бексарой” чойхонаси қаршисида тўхтаб турган "Cobalt" русумли автомобиль текширилганда, йўловчи, 1995 йилда туғилган Д.Қ. ўзининг кўриниши ва хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширувлар мобайнида фуқаро Д.Қ.нинг ёнидан 3 дона “Тропикамид” ҳамда 24 дона “Регапен” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро Д.Қ. ва аниқланган воситалар Сирғали тумани ИИО ФМБга топширилган.

- 2022 йил 2 март куни соат 00:20 ларда, Шайхонтоҳур туманида хизмат олиб бораётган ЙПХ ходимлари О.Мухаммедов ва А.Икромовлар томонидан, Нурафшон кўчаси бўйлаб ҳаракатланиб келаётган, ҳайдовчи, 1979 йилда туғилган А.Х. бошқарувидаги "Malibu" русумли автомобиль тўхтатилиб, холис ва гувоҳлар иштирокида текширилганда, автомобиль салонидан 2 дона пичоқ, 3 дона шприц ва целлофанга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, ҳайдовчи А.Х. ва аниқланган воситалар Шайхонтоҳур тумани ИИО ФМБга топширилган.

Йўлларда текширувлар давом этмоқда...