Toshkent shahar hokimligi Matbuot xizmatining xabariga koʻra, Ahmad Donish koʻchasida yerusti piyodalar oʻtish koʻprigi qurilishi boshlanganligi sababli, joriy yil 11-martdan boshlab koʻchaning bir qismida qurilish va taʼmirlash ishlari olib boriladi.

Rejaga koʻra, Ahmad Donish koʻchasining Gulgʻuncha (Ashurova) koʻchasi bilan kesishmasidan boshlab, qatnov qismining bir tarafi har ikki tomondan transportlar harakati uchun yopiladi.

Ishlar joriy yil 15-martgacha davom etadi.