Poytaxtga olib kiruvchi YPX maskanlarida doimiy ravishda tekshiruvlar amalga oshirilmoqda. Tekshiruvlar davomida:

- 2021-yil 20-dekabr kuni soat 11:20 larda, Bektemir tumanida joylashgan “Sharq” YPX maskanida xizmat olib borayotgan, YPX xodimi B.Nugmonov va N.Dosimovlar tomonidan, Toshkent viloyatidan poytaxtga kirib kelayotgan "Cobalt" rusumli avtomobil to‘xtatilib, xolis va guvohlar ishtirokida tekshirilganida, yo‘lovchisi, 1992-yilda tug‘ilgan L.M.ning yonidan 2 dona selofanda, oq rangli, o‘tkir hidli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro L.M. va aniqlangan moddalar Bektemir tumani IIO FMBga topshirilgan.

- 2021-yil 20-dekabr kuni soat 23:55 larda, Olmazor tumanida joylashgan “Mineral suvlar” blok-postida xizmat olib borayotgan YPX xodimi U.Maxkamov tomonidan, Toshkent viloyatidan poytaxtga kirib kelayotgan yana bir "Cobalt" rusumli avtomobil to‘xtatilib, xolis va guvohlar ishtirokida tekshirilganida, haydovchi, 1995-yilda tug‘ilgan B.S.ning yonidan selofan parchasiga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro B.S. va aniqlangan modda Olmazor tumani IIO FMBga topshirilgan.