Yo‘llardagi tekshiruvlar davomida:

- 2021-yil 21-dekabr kuni soat 15:05 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va N.Dosimovlar tomonidan, Toshkent viloyatidan poytaxtga kirib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganida, haydovchi, 1983-yilda tug‘ilgan Z.X.ning sumkasidan 3 dona “Lirika” nomli psixotrop dori vositalari shuningdek, avtomobil salonidan selofanga solingan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Z.X. va aniqlangan vositalar Bektemir tumani IIO FMBga topshirilgan.

- 2021-yil 20-dekabr kuni soat 22:05 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Turaboyev va F.Djurayevlar tomonidan, poytaxtga kirib kelayotgan yana bir "Lacetti" rusumli avtomobil to‘xtatilib, xolis va guvohlar ishtirokida tekshirilganida, yo‘lovchisi, 1964-yilda tug‘ilgan I.N.ning cho‘ntagidan jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro I.N. va aniqlangan modda Bektemir tumani IIO FMBga topshirilgan.

Yo‘llardagi tekshiruvlar davom etmoqda.