Йўллардаги текширувлар давомида:

- 2021 йил 21 декабрь куни соат 15:05 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари М.Шарипов ва Н.Досимовлар томонидан, Тошкент вилоятидан пойтахтга кириб келаётган "Lacetti" русумли автомобиль тўхтатилиб, холис ва гувоҳлар иштирокида текширилганида, ҳайдовчи, 1983 йилда туғилган З.Х.нинг сумкасидан 3 дона “Лирика” номли психотроп дори воситалари шунингдек, автомобиль салонидан целлофанга солинган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро З.Х. ва аниқланган воситалар Бектемир тумани ИИО ФМБга топширилган.

- 2021 йил 20 декабрь куни соат 22:05 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Ж.Турабоев ва Ф.Джураевлар томонидан, пойтахтга кириб келаётган яна бир "Lacetti" русумли автомобиль тўхтатилиб, холис ва гувоҳлар иштирокида текширилганида, йўловчиси, 1964 йилда туғилган И.Н.нинг чўнтагидан жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро И.Н. ва аниқланган модда Бектемир тумани ИИО ФМБга топширилган.

Йўллардаги текширувлар давом этмоқда.