Avval habar berganimizdek, davlatimiz rahbari topshirigʻiga asosan, Toshkent shahrida jamoat transporti tizimidagi muammolarni bartaraf etish orqali aholiga qulay transport xizmat koʻrsatishni tashkil etish boʻyicha idoralararo tezkor shtab tuzilgan.

Zaruriy taʼmirlash ishlarini amalga oshirish natijasida, uch kun davomida qoʻshimcha 105 ta avtobuslar jalb qilinib, jami yoʻnalishga jalb qilingan avtobuslar soni 975 taga yetkazildi. Eslatib oʻtamiz, 7, 8 va 18 avtobus saroylariga Ichki ishlar vazirligi tasarrufida boʻlgan 30 ta “ISUZU” rusumli yoʻlovchi tashuvchi avtobuslar ajratildi. Natijada, sutka davomida yoʻlovchilar soni 3 foizga, tushumlar miqdori 4,5 foizga oshyapti. Yoʻnalishdagi avtobuslarning harakatlanish oraliq vaqti 25-30 daqiqadan 10-12 daqiqaga qisqartirildi.

Mavjud 1390 ta avtobusdan 425 tasi texnik jihatdan nosoz holda saqlanayotganligi hamda 161 tasi foydalanishga umuman yaroqsiz holatda ekanligi aniqlandi va IIV, MG, FVVning tashabbusi bilan jami 71tasi taʼmirlandi.

IIV va “Toshshahartransxizmat” AJ xodimlar boʻlimi bilan birgalikda boʻsh haydovchi lavozimlarini jamlash maqsadida 2425 nafar “D, E” toifali haydovchilik guvohnomasiga ega boʻlgan haydovchilar roʻyxati shakllantirildi.